Орос улс 2030 он гэхэд Балтийн орнуудад довтлохоор төлөвлөж байна гэж Германы тагнуулын алба мэдээлжээ.
Тус байгууллагын тайлангийн агуулгыг Германы WDR, NDR телевизийн сувгууд болон Sьddeutsche Zeitung сонин мэдээлсэн байна.
Уг баримт бичигт дурдсанаар Балтийн орнуудын аль нэгэнд халдах аюул одоогоор харьцангуй бага байгаа бөгөөд “Ирээдүйд Орос, НАТО-гийн хооронд удахгүй шууд сөргөлдөөн үүснэ” гэсэн нотолгоо байхгүй гэж тэмдэглэжээ.
Гэхдээ “энэ арван жилийн эцэс гэхэд” Москва “бүрэн хэмжээний дайн” явуулах бүх урьдчилсан нөхцөлийг бүрдүүлэх бөгөөд бүр 11-р сард ХБНГУ-ын Холбооны тагнуулын албаны дарга Бруно Кал Орос улс 2030 он гэхэд Балтийн орнууд руу довтолж, Орос, Барууны хооронд дайн дэгдээж болзошгүй талаар илэн далангүй анхааруулж байв.
Германы тагнуулын алба болон тус улсын зэвсэгт хүчний шинэ баримт бичигт Оросын эдийн засаг дайны байдалд шилжсэний дараа тус улс Украины дайнд шаардагдах хэмжээнээс илүү их зэвсэг үйлдвэрлэж чадна гэж дурьджээ.
Уг тайланд энэ гурван жилийн дайн Оросыг сулруулаагүй бөгөөд тиймээс цэргийн ажиллагаа 2025 онд үргэлжилж магадгүй гэж тэмдэглэсэн байна.
Мөн Москва одоогоор дайнд хүчирхэг байр сууринаас оролцож байгаа тул буулт хийж, асуудлыг зохицуулахад бэлэн байна гэсэн ноцтой шинж тэмдэг ажиглагдахгүй байна гэдгийг онцолжээ.
Эх сурвалж: DW
0 cэтгэгдэлтэй