“Тавантолгой түлш” ХХК-ийн менежмент энэ сарын 1-нээс нийслэлийн мэдэлд шилжжээ. Энэ асуудлаар хотын дарга Х.Нямбаатар байр сууриа илэрхийллээ. Тэрбээр “Тавантолгой түлш” ХХК-ийн бизнес төлөвлөгөөг дахин шинэчлэх ажлыг яаралтай эхлүүлмээр байна. Сүүлийн үед иргэдээс ирж байгаа бухимдал, шүүмжлэл маш их болж байна. Сайжруулсан түлшний үйлдвэр нь агаарын бохирдол бага гаргадаг бүтээгдэхүүнтэй болох чиглэл рүү шилжих ёстой. Тус үйлдвэр нь 2019 онд ашиглалтад орж жилд 360,000 тонн нүүрс үйлдвэрлэж байсан бол өнөөдрийн байдлаар 200,000 тонноор үйлдвэрлэлийн хэмжээгээ нэмэгдүүлсэн байна. Улаанбаатар хотод 185,000 айл сайжруулсан түлшийг хэрэглэж байгаа мэдээллийг статистикийн байгууллагаас өгсөн. 2019 оноос хойш хэрэглэгчийн тоо 10 хувиар нэмэгдсэн байгаа юм. 10 хувиар нэмэгдсэн гэж үзвэл 400,000 тонн түлш үйлдвэрлэх байсан.
Гэтэл 200,000 тонн түлшний хэрэглээ хаана бий болсонд дүн шинжилгээ хийсэн үү. Аймаг, сумдад нэг шуудай сайжруулсан түлш 8,000-10,000 төгрөгөөр зарагдаж байна. Замын очсон гуанз болгонд танай шуудайтай нүүрс байна. Иргэдэд 3,750 төгрөгөөр зарж байгаа нэг шуудай нүүрсний бүх зардлыг тооцоход 20,800 төгрөг болж байна. Нэг шуудай нүүрсний бодит өртгийг яагаад олон нийтэд зарлахгүй байна. Ийм алдагдалтай бизнес дэлхий дээр хаана ч байхгүй. Алдагдалтай үйлдвэр ажиллуулж байж ажилтнуудад орон сууцны дэмжлэг туслалцаа үзүүлдэг. 1850 хүн ажиллах ёстой байтал 2080 хүнтэй ажиллаад байна. Сайжруулсан түлшний хэрэглэгчийн тоо 10-хан хувь өссөн байхад үйлдвэрлэл нь 200,000 тонноор зөрж байгаагийн цаана хулгай хаана байгааг технологийн дэвшлээр хянана. “Таван толгой түлш” ХХК-д аудитын шалгалт оруулна.
0 cэтгэгдэлтэй