Өнөөдөр УИХ дахь МАН-ын бүлэг 14 цагт хуралдаанаа товлосон бөгөөд одоогоор эхлээгүй байна.

Яг одоо Төрийн ордонд МАН-ын бүлгийн хуралдаанаар сайд нарын бүрэлдэхүүнийг хэлэлцэх юм. Сайдад дэвшигчдийн нэрсийг харвал өчигдрийн байдлаар ярилцаж тогтоод байсан хувилбарыг гишүүд дахин нягталж, зарим өөрчлөлтийг хийжээ.

Ерөнхий сайд У.Хүрэлсүхийн зүгээс М.Энхболдын талыг баримтлагсад буюу Ж.Эрдэнэбатын Засгийн газрыг огцруулахыг эсэргүүцсэн буюу өөрийг нь Ерөнхий сайдад дэмжээгүй нөхдөд Шадар сайд, Барилга хот байгуулалтын, Зам тээврийн, Боловсрол, соёл, шинжлэх ухааны, Эрүүл мэндийн, Уул уурхай, хүнд үйлдвэрийн яамны гэсэн 6 сайдын суудлыг санал болгоод байгаа. Өнөөдөр  МАН-ын гишүүд шинэ Засгийн газрын бүрэлдэхүүнийг дараах байдлаар ярилцаж байсан юм. Гэсэн хэдий ч Ерөнхий сайд У. Хурэлсүх ашиг сонирхлын зөрчилтэй эвлэрэхгүй гэж хэлж байсан байыр сууриа бататгаж  М.Энхболдын бүлгээс Монгол Улсын Шадар сайдын албан тушаалд тулгаж буй УИХ-ын гишүүн Л.Энх-Амгалан, Байгаль орчин, аялал жуулчлалын сайдад нэрийг нь санал болгосон УИХ-ын гишүүн О.Содбилэг нартай хамтарч ажиллах боломжгүй байгаагаа намынхаа бүлгийн гишүүдэд учирлаж байр суурин дээрээ хатуу зогсох оо мэдэгджээ.

Монгол Улсын Ерөнхий сайд –У.Хүрэлсүх

Монгол Улсын Шадар сайд – тодорхойгүй

Монгол Улсын сайд, Засгийн газрын Хэрэг эрхлэх газрын дарга – УИХ-ын гишүүн Г.Занданшатар

Ерөнхий чиг үүргийн яамд:

Байгаль орчин, аялал жуулчлалын сайд – УИХ-ын гишүүн – тодорхойгүй

Гадаад харилцааны сайд – УИХ-ын гишүүн Д.Цогтбаатар

Сангийн сайд – УИХ-ын гишүүн Ч.Хүрэлбаатар

Хууль зүй, дотоод хэргийн сайд – УИХ-ын гишүүн Ц.Нямдорж

Хөдөлмөр, нийгмийн хамгааллын сайд – УИХ-ын гишүүн С.Чинзориг

Чиглэлийн яамд:

Батлан хамгаалахын сайд – УИХ-ын гишүүн Б.Цэрэнбат

Барилга, хот байгуулалтын сайд – УИХ-ын гишүүн Х.Баделхан

Боловсрол, соёл, шинжлэх ухаан, спортын сайд – УИХ-ын гишүүн Ц.Цогзолмаа

Зам, тээврийн сайд – УИХ-ын гишүүн Ж.Бат-Эрдэнэ

Уул уурхай, хүнд үйлдвэрийн сайд – УИХ-ын гишүүн Д.Сумъяабазар

Хүнс, хөдөө аж ахуй, хөнгөн үйлдвэрийн сайд – УИХ-ын гишүүн Б.Батзориг

Эрчим хүчний сайд – УИХ-ын гишүүн Ц.Даваасүрэн

Эрүүл мэндийн сайд – УИХ-ын гишүүн Д.Сарангэрэл 

ХАРИУ СЭТГЭГДЭЛ БИЧИХ