“И-Март” худалдааны аргаар залилж, иргэдийг хуурч мэхэлж байна уу

access_time 2021-04-16
remove_red_eye 456

“И-Март” худалдааны төвөөр үйлчлүүлсэн нэгэн иргэн 1 кг 16600 төгрөгийн үнэтэй усан үзэм худалдаж аваад, үнэнд дүйцэхээргүй санагдсан тул жинлэж үзтэл 2106 граммаар савласан, 34960 төгрөг гэх үнэлгээтэй усан үзэм 952 грамм байжээ. Улмаар тухайн хэрэглэгч дахин дурын нэг боодол усан үзмийг сугалан, дэлгүүрийн менежер болон худалдагчийн дэргэд жинлэж үзэхэд 2020 грамм гэж шошго наасан бүтээгдэхүүн 820 грамм байжээ.

Энэ тухай хууртагдсан хэрэглэгч сошиалд мэдээлэл нийтэлсэн ба олон нийтийн зүгээс ч ийм байдлаар удаа дараа хохирсон байхыг үгүйсгэхгүй гэх гомдол илэрхийлсээр байна.

Тэгвэл Шударга өрсөлдөөн, хэрэглэгчийн төлөө газрын дарга Б.Бат-Эрдэнэ эл асуудалд анхаарал хандуулж, “Хэрэглэгчийг хохироож, худалдааны аргаар залилж, хуурч мэхэлж болохгүй” гээд, асуудлыг шалгахаар болсныг мэдэгдлээ.

Холбоотой мэдээ

© 2021 Бүх эрх хуулиар хамгаалагдсан.

Холбоо барих: 8900-4549