Путин Жэк Магаас яагаад залуудаа тэтгэвэрт гарч байгааг нь асуужээ

access_time 2018-09-14
remove_red_eye 113

 

Саяхан Алибабаг үндэслэгчдийн нэг Жэк Ма бизнесийн ажлаасаа хөндийрөх болсноо зарласан нь олон хүнийг гайхшруулсан. Тэдний дотор ОХУ-ын ерөнхийлөгч Владимир Путин багтаж байжээ.

Энэ долоо хоногт болж өнгөрсөн Дорнын Эдийн Засгийн Чуулганы үеэр Путин энэ тухай Магаас асуусан байна. Мягмар гарагт болсон бизнесийн салбарын дугуй ширээний ярилцлагын үеэр Путин “Тэнд орос зууш идээд сууж байгаа залуугаас би нэг зүйл асуумаар байна. Жэк Ма, ийм залуудаа яагаад тэтгэвэрт гарч байгаа юм бэ?” гэж гэнэт сэдвээсээ хазайн асуужээ.

Тэд Дорнын Эдийн Засгийн Чуулган дээр дөрөв дэх удаагаа уулзаж байгаа юм. Гэнэтийн асуултад цочирдсон Ма “Би өчигдөр 54 насны төрсөн өдрөө Орост тэмдэглэлээ. Алибабад би 19 жил ажиллаж, зарим үр дүнд хүргэсэн байх. Гэхдээ боловсрол, буяны үйлс гээд миний амжуулахыг хүсэж байгаа олон ажил намайг хүлээж байна” гэж хариулжээ.

Тэгэхэд Путин инээгээд “Чи надаас залуу хүн шүү дээ, би 66 хүрч байна!” гэж хэлсэн байна.

Жэк Магийн гаргасан шийдвэр Хятадын бизнесийн ертөнцөд ховор үзэгдэл юм. Жишээ нь Хонг Конгийн тэргүүн баян, 90 настай Ли Ка Шин өөрийн CK Hutchison Holdings, CK Asset Holdings компаниудынхаа удирдах зөвлөлийн даргын ажлыг дөнгөж саяхан хүүдээ шилжүүлсэн билээ.

Эх сурвалж: South China Morning Post

Холбоотой мэдээ

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

© 2018 Бүх эрх хуулиар хамгаалагдсан. seruuleg.mn

Холбоо барих: 8900-4549