Орлогогүй болж, хүнд байдалд орсон жижиглэн худалдаа эрхлэгчид Ерөнхий сайдад шаардлага хүргүүлэхээр нэгдэв

access_time 2021-01-13
remove_red_eye 984

Жижиглэн худалдаа эрхлэгчдийн төлөөлөл өнөөдөр Ерөнхий сайд, Шадар сайдад шаардлага хүргүүлэхээр төрийн ордны гадаа цуглажээ.

Тэд “Бид БГД-ийн худалдаа эрхлэгчид. Амьдрал үнэхээр хэцүү байна. Бид хэчнээн удаан тэвчих ёстой вэ? Айлуудын хөргөгчийг очоод үзээрэй. Хүүхдүүдээ юугаар тэжээх вэ? Биднийг орхигдуулж байна.

Засгийн газраас хэрэгжүүлж байгаа арга хэмжээ алга. Энэ бол жагсаал цуглаан биш. Бид үзэл бодлоо илэрхийлж байна” гэлээ.

Дотоодод цар тахал гарсантай холбоотойгоор арваннэгдүгээр сарын 12-ноос бүх нийтийн бэлэн байдлын зэрэгт шилжсэнээс эхлээд жижиглэн худалдаанаас гадна бараа, үсчин, гоо сайхан гэгчлэн үйлчилгээний салбаруудын үйл ажиллагаа үндсэндээ зогсонги байдалд ороод байгаа билээ. Ийнхүү орлогогүй болж, хүнд байдалд орсон иргэдийн төлөөлөл Засгийн газрын тэргүүнд хандахаар төрийн ордны гадаа иржээ. Харин цагдаагийн байгууллагаас тэднийг хууль бус үйлдлээ таслан зогсоохыг шаардсан байна.

Холбоотой мэдээ

© 2021 Бүх эрх хуулиар хамгаалагдсан.

Холбоо барих: 8900-4549