“ЗОРИГ” МУСК нээлтээ хийнэ

access_time 2020-06-10
remove_red_eye 169

Монголын кино урлагт нэгэн цоо шинэ, адал явдалт уран сайхны кино нээлтээ хийхэд бэлэн болжээ. White horse film -н бүтээл “ЗОРИГ” нэртэй энэхүү кинонд 1986-1996 оны хоорондох Монголын нийгмийн байдал, ард иргэдийн сэтгэлгээний өөрчлөлтийн тухай болоод залуу насны алдаа оноотой амьдралын түүхийг тодоор өгүүлэхийг зорьжээ.

Киноны гол дүрд сүүлийн үед залуучуудын дунд нэр хүндтэй яваа, авьяаслаг залуу жүжгчин О.Самданпүрэв тоглосон бөгөөд түүний бүтээсний дүрийн киноны туршид үргэлжилэх амьдралын хэмнэл, огцом эргэлтүүд нь үзэгчидийн сонирхолыг ихэд татна гэдэг тус киноны уран бүтээчид нь итгэлтэй байгаа аж. Тус киноны Ерөнхий найруулагчаар Б.Гарамханд, Ерөнхий зураглаачаар Б.Баатар, Кастинг хариуцсан найруулагчаар СТА, жүжигчин Н.Ялалт зэрэг одоо цагийн хамгийн шилдэг уран бүтээлчид нэг дор цуглан баг болон ажиллажээ. Кинон зураг авалтын дийлэнх хувийг 2019оны 8,9р сард Дархан хотод хийсэн бөгөөд хамгийн олон хүний оролцоотой, компьютер график ажиллагаа орох томоохон хэсгийн зураг авалтуудыг энэ хавар Улаанбаатар хотноо гээд нийт 3 сар орчим хугацааг зөвхөн зураг авалтандаа зарцуулсан байна.

80,90 оны үйл явдлыг өгүүлж буй учир тус кионы багийн зураачийн баг олно хүний бүрэлдэхүүнтэйгээр ажиллаж,тухайн цаг үеийг санагдуулам орчныг бүхлээр бүрдүүлж, хувцас хэрэглэл дээрээ ч онцгой анхаарчээ. Мөн тус кинонд монголын кино зураглаачдын ур чадварыг дахин нэг түвшин ахиулсан эрсдэлтэй, зураг авалтын шинэ технологиудыг гаргахыг хичээсэн байна.

Сонирхуулахад, нэг жил гарны хугацаанд бүтсэн энэхүү кинонд гол дүрээс эхлээд олны хэсгийн гээд нийт 200 орчим жүжигчид оролцон тоглож, кинон уран бүтээлийн багт 100 гаруй хүмүүс ажиллаж, тухайн цаг үеийн 10 төрлийн 30 орчим машиныг оролцуулсан байна.

Ойрын жилүүдэд хийгдээгүй өнгө төрх, шийдэлтэй, адал явдалт шинэ цагийн кино гэсэн хүлээлт киноны салбарынхан төдийгүй, үзэгчидийн дунд их байна.

Холбоотой мэдээ

© 2020 Бүх эрх хуулиар хамгаалагдсан.

Холбоо барих: 8900-4549