Skip to content
Mon. Dec 9th, 2019
  • Нийгэм
  • Дэлхий
  • Зөвлөгөө
  • Улс төр
  • нийтлэл
  • Онцлох
  • Ярилцлага
  • Үзэл бодол
  • Эдийн засаг
  • Урлаг

Дуулиант мэдээллийн уурхай

Primary Menu
  • Нүүр
  • Улс төр
  • Нийгэм
  • Эдийн засаг
  • Үзэл бодол
  • Урлаг
  • Зөвлөгөө
  • Дэлхий
  • нийтлэл
  • Ярилцлага
  • Home
  • Баабар: Цагдаа тушаал биелүүлэгч үү, хууль сахиулагч уу?
  • нийтлэл

Баабар: Цагдаа тушаал биелүүлэгч үү, хууль сахиулагч уу?

admin 1 min read

 

Цагдааг “цагдаа” гээд хэлчихээр доромжилсон болчихдог цаг саяхан байлаа. Сэргийлэгч гэж дуудах ёстой байв. Цагдаа нь болохоор одоо Цагдаагийн машин дээрээ томоор бичсэн “Police” гэсэн үгний орчуулга, харин “сэргийлэх” гэдэг нь Зөвлөлтийн ижил төрлийн машин дээр бичсэн “Милиция” гэсэн үгний харгалзах монгол үг гэж ойлгогддогоос ийм байв. Францын орон нутгийн цагдааг жандарм гэнэ. Түүнийг “харгис цагдаа” гэж орчуулна. Харгис байдаг нь ч юу юм билээ! Үүнээс үүдээд мөнөөх “police” гэсэн үгэнд ч харгис цагдаа, их сайндаа л хөрөнгөтний цагдаа гэсэн далд утга агуулагддаг байсан бололтой.

Одоо Монгол нь “хөрөнгөтөн” орон болжээ. Сэргийлэгч гэдэг үг бараг мартагдав. Цагдаагийн нийгэмд эзлэх хувь ч эрс өссөн. Монголын арми зургаан мянгуулаа, Цагдаагийнхан аль хэдийнээ арван мянга гараад явчихсан. Харъяалал ч өөр болсон. Хуучин НАХЯ буюу “нууц цагдаагийн газар” гэсэн олон улсын хочтой байгууллагад хамаарч байсан бол одоо Хууль зүйн яаманд (Үүнийг нь Нямдорж До яам болгоод хувиргачихсан) харъяалагдах Засгийн газрын хэрэгжүүлэгч агентлаг болжээ.

Асуудал нэрэндээ байгаа биш юм. Монголоор “сэргийлэх гэж орчуулаад байгаа “милиция” гэсэн үг нь милитари буюу цэрэгжсэн гэсэн үгнээс гаралтай. Цэргийн зохион байгуулалтанд байдаг иргэний цэргийг ингэж нэрлэнэ. Америкт Үндэсний гвард ч гэж нэрлэнэ. Эдгээр бие бүрэлдэхүүн хэдийгээр энгийн иргэн боловч тушаал биелүүлэх үүрэгтэй. Эмх замбараагүй байдал газар аван хүч хэрэглэх шаардлагатай болбол, эсвэл үер, газар хөдлөлт зэрэг байгалийн давагдашгүй хүчин зүйлийн үед “милиция”-ын хүчийг ашигладаг. Бие бүрэлдэхүүн зөвхөн тушаал биелүүлнэ. Үүгээрээ цэрэгтэй их адилхан.

Тэгвэл бидний цагдаа гэж орчуулаад байгаа “police” нь полис буюу хот гэсэн үгнээс гаралтай аж. Энэ нь орон нутгийн засаг захиргаандаа хамаардаг, хууль сахиулах иргэний байгууллага. Бие бүрэлдэхүүн тушаал биелүүлэх учиргүй. Учир нь энэ нь цэргийн буюу цэрэгжсэн байгууллага биш, орон нутаг өөрийн нутаг дэвсгэр дээр олон нийтийн хэв журам сахиулж, хуулийг биелүүлэх ажлыг гарддаг иргэний агентлаг болой. Хэдийгээр орон нутгийн харъяалтай боловч ихэнхи оронд мэргэжлийн зангидсэн байгууллага төвд нь байдаг. Жишээ нь Англид гэхэд орон нутагт хамаардаг 56 бие даасан цагдаагийн байгууллага байдаг байна. АНУ болохоор муж хотуудын хооронд цагдаа үүргээ гүйцэтгэж болдоггүй, өөрөөр хэлбэл нэг сумын цагдаа нөгөө суманд үйл ажиллагаа явуулах эрхгүй учир бүх улсыг хамарсан Холбооны мөрдөх товчоо хэмээх байгууллага бас давхар ажилладаг болохыг манайхан киноноос сайтар мэдэж байх учиртай.

Манай Цагдаа НАХЯ-ын харъяаллаас гарсан, нэрээ сольсон хоёрыг эс тооцвол сэргийлэгч маань мөн чанараараа сэргийлэгчээрээ л үлдсэн. Тэд орон нутагт хамаарагддаггүй, хууль сахиулна гэхээсээ тушаал биелүүлдэг. Өөрөөр хэлбэл цэргийн байгууллага. Тэгээд бас хэн дуртай нь тушаал өгөхийг нь яана. Сайд нь “бухимдахаараа” тушаагаад л парламентийн гишүүнээ барьж байхыг нь дэлхий нийтээр харсан. Энд цагдаа нарын буруу байхгүй, тогтоцын гажиг байна.

Хуучин тогтоцоогоо авч хоцрох гэсэн, хуучин руугаа тэмүүлэх гэсэн улс төрийн хүчинд өнөөгийн энэ тогтоц тун зүгээр зүйл. Дургүй хүргэсэн хүн дээрээ спирт миспирт ч гэх шиг дуртай хэргээ үүсгээд л хөөрхий гэмгүй цагдааг тухиран олны өмнө махчин шулам болгож харуулна. Араар нь “Би тэр үед гадаадынхантай ууланд зугаалж явсан”, “Завханд явж байсан”, “Манайх зурагтгүй болохоор би огт мэдсэнгүй” гэх мэт.
Гэтэл өнөөгийн ардчилсан гэхээ болиё, юутай ч нээлттэй нийгэмд, тэр дундаа олон улсын жишиг рүү явж байгаа бол үнэхээр сэргийлэхээ цагдаагийн газар болгон хувиргаж, орон нутагт нь харъяалуулан тушаал биелүүлдэг биш хууль сахиулдаг инстүүц болгон өөрчлөх хэрэгтэй байна.

Баабар

Continue Reading

Previous: У.Хүрэлсүхийн сүүлчийн стратеги
Next: Ерөнхий сайд аа! “Борвины баас”-наасаа сална уу!

холбоотой мэдээ

605 Тэмбүү Монголд харанга дэлдэж байна 1 min read
  • нийтлэл

Тэмбүү Монголд харанга дэлдэж байна

admin
602 Жирэмсэн гурван эмэгтэйгээ цаазалсан улс орон Монголоос өөр байхгүй 1 min read
  • нийтлэл

Жирэмсэн гурван эмэгтэйгээ цаазалсан улс орон Монголоос өөр байхгүй

admin
712-1571620447Ж.Энхбаяр УИХ-ын гишүүн Ж.Энхбаярын амлалтаас болж “Монгол тэмүүлэл” сургууль тойрсон маргаан дэгджээ 1 min read
  • нийтлэл
  • Онцлох

УИХ-ын гишүүн Ж.Энхбаярын амлалтаас болж “Монгол тэмүүлэл” сургууль тойрсон маргаан дэгджээ

admin
МЯСЭ МОНГОЛ-ЯПОНЫ СУРГАЛТЫН ЭМНЭЛЭГ 1042 НЭР ТӨРЛИЙН ТУСЛАМЖ ҮЙЛЧИЛГЭЭ ҮЗҮҮЛНЭ 1 min read
  • нийтлэл

МОНГОЛ-ЯПОНЫ СУРГАЛТЫН ЭМНЭЛЭГ 1042 НЭР ТӨРЛИЙН ТУСЛАМЖ ҮЙЛЧИЛГЭЭ ҮЗҮҮЛНЭ

admin
orgio-egch Ерөнхий сайд аа! “Борвины баас”-наасаа сална уу! 1 min read
  • нийтлэл
  • Онцлох

Ерөнхий сайд аа! “Борвины баас”-наасаа сална уу!

admin
16d2d75196983dacd9075fe4b593f09a_1200 У.Хүрэлсүхийн сүүлчийн стратеги 1 min read
  • нийтлэл
  • Онцлох
  • Улс төр

У.Хүрэлсүхийн сүүлчийн стратеги

admin

Сүүлд нэмэгдсэн мэдээнүүд

8a80f4d668f8cba7e21882f933f02b5d_x3 Ахмад тамирчин Ц.Раднаа Ази тивийн дээд амжилтыг шинэчлэн тогтоолоо 1 min read
  • Нийгэм

Ахмад тамирчин Ц.Раднаа Ази тивийн дээд амжилтыг шинэчлэн тогтоолоо

admin
6gishvvn ХЭДС-гаас зээл авахад нөлөөлсөн УИХ-ын эмэгтэй гишүүд хэн хэн бэ? 1 min read
  • Дэд онцлох
  • Улс төр

ХЭДС-гаас зээл авахад нөлөөлсөн УИХ-ын эмэгтэй гишүүд хэн хэн бэ?

admin
400 Төрийн ордны секс дуулианд хэн хариу өгөх вэ 1 min read
  • Онцлох
  • Улс төр

Төрийн ордны секс дуулианд хэн хариу өгөх вэ

admin
606 МОНГОЛ ОХИН ОЛОН УЛСЫН ТЭМЦЭЭНД ТҮРҮҮЛЖ 6000 АМ.ДОЛЛАРААР ШАГНУУЛЖЭЭ 1 min read
  • Нийгэм

МОНГОЛ ОХИН ОЛОН УЛСЫН ТЭМЦЭЭНД ТҮРҮҮЛЖ 6000 АМ.ДОЛЛАРААР ШАГНУУЛЖЭЭ

admin
Зохиогчийн эрх хуулиар хамгаалагдсан