Ө.Бат-Орших нарын бөхчүүд наадмаар барилдах эрхтэй болов

access_time 2019-06-23
remove_red_eye 380

 

Допингийн төрлийн эм бэлдмэл хэрэглэсэн нь БНСУ дахь ОУОХ-ны итгэмжлэгдсэн лабороторийн шинжилгээгээр тогтоогдоод байсан Ө.Бат-Орших, Б.Пүрэвсайхан, Э.Даш, Б.Номиндалай, С.Майнбаяр нарын 5 бөхийн барилдах эрхийг саяхан Бөхийн холбооноос сэргээжээ. Тэд дахин сэргээш хэрэглэхгүй, буруутай үйлдлээ ухамсарлаж байна гэдэг хүсэлтийг холбоондоо өгсөн юм байна.

 

Лаборатрийн шинжилгээг үндэслэн Бөхийн холбооноос тэдний барилдах эрхийг 2018 оны хоёрдугаар сарын 1-нээс 2020 оны хоёрдугаар сарын 01-н хүртэл буюу 2 жилээр түдгэлзүүлсэн байсан аж. Үүнийхээ 70 гаруй хувийг эдэлсэн гэж үзэн, олонхийн саналаар тэдний барилдах эрхийг сэргээжээ.

Иймээс дээрх нэр бүхий таван бөх Үндэсний их баяр наадамдаа оролцох боломжтой болсон байна.

Холбоотой мэдээ

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

© 2019 Бүх эрх хуулиар хамгаалагдсан. seruuleg.mn

Холбоо барих: 8900-4549