АН-ЫН НАРИЙН БИЧГИЙН ДАРГААР Н.АЛТАНХУЯГ БУС Х.АЛТАНХУЯГ ТОМИЛОГДЖЭЭ

access_time 2019-05-13
remove_red_eye 685

Өнгөрөгч амралтын өдрүүдэд Ерөнхий сайд асан Н.Алтанхуягийг АН-ын нарийн бичгийн даргаар томилогдсон гэх мэдээлэл цацагдсан билээ.

Тэгвэл бид энэ асуудлаар АН-ын ажлын албанаас тодруулахад, “АН-ын нарийн бичгийн даргаар Ерөнхий сайд асан Н.Алтанхуяг томилогдоогүй. Энэ нь ташаа мэдээлэл байна. Харин Х.Алтанхуяг гэдэг хүн АН-ын нарийн бичгийн даргаар ажиллаж байна. Х.Алтанхуягийн тухайд цахим мэдээлэл, Пи Ар хариуцсан нарийн бичгийн даргын албан тушаалд өнгөрсөн долоо хоногт томилогдсон” гэх мэдээллийг өглөө.

АН-ын нарийн бичгийн даргаар томилогдоод буй Х.Алтанхуяг нь өмнө нь Хөрөнгийн биржийн дэд захирал, АН-ын сургалт судалгаа хариуцсан хэлтсийн даргаар тус тус ажиллаж байжээ.

Холбоотой мэдээ

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

© 2019 Бүх эрх хуулиар хамгаалагдсан. seruuleg.mn

Холбоо барих: 8900-4549