Дуурийн дуучин Э.Анхбаярыг Монгол Улсын Соёлын элчээр томиллоо

access_time 2019-05-03
remove_red_eye 324

 

Гадаад харилцааны Дэд сайд Б.Батцэцэг Монгол Улсын Соёлын элчээр томилогдсон Улсын дуурь бүжгийн эрдмийн театрын дуучин Э.Анхбаярт Монгол Улсын Соёлын элчийн гэрчилгээг өнөөдөр гардуулан өгөв.

Улсын дуурь бүжгийн эрдмийн театрын гоцлол дуучин Э.Анхбаяр нь 2018 онд Оросын нэрт хөгжмийн зохиолч Н.А.Римский-Корсаковын нэрэмжит уралдаанд тэргүүн байр, 2017 онд Австрийн нэрт дуурийн дуулаач Отто Эдельманы нэрэмжит олон улсын дуурийн дулаачдын уралдаанд 40 орны 230 дуучнаас II байр, 2017 онд Санкт-Петербург хотноо зохион байгуулагдсан Елена Обрасцовагийн нэрэмжит дуурийн дуулаачдын дэлхийн аврага шалгаруулах тэмцээний дэд байр эзэлж байсан юм.

Э.Анхбаяр нь Монгол Улсын Соёлын элчээр томилогдон ажиллах хугацаандаа Монгол Улсыг, монголын соёл, урлагийг дэлхий дахинд идэвхтэй сурталчлан таниулах, хөгжүүлэх чиглэлээр ажиллана.

Эх сурвалж: Гадаад Харилцааны Яам

Холбоотой мэдээ

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

© 2019 Бүх эрх хуулиар хамгаалагдсан. seruuleg.mn

Холбоо барих: 8900-4549